Chamdur 'P', May 8, 2022 : May 7, 2022 (Inrinni) khan Mizoram Bâwm Student's Association (MBSA) chuan Chamdur 'P' ah General Conference vawi 5-na an nei a. he hun hi Pu HC. Lalthawmliana EM (i/c Fisheries) LADC chuan khuallian niin a hmanpui.
Khuallian Pu HC. Lalthawmlian chuan kan ram leh hnam tan mitinte kan tuma kan chian a pawimawh thu a sawi a, chumi kan tum ram thleng tur chuan nasa tak a hreawm tinreng tuara bei tur kan nih thu te, mi tamtak zirlai ni reng si a, mahni tum pawh hrelo, tum pawh neilo a awm ve tawp, tuma chiang lo, zir ve char char degree sang tak nei si, thawhchhuah nei silo tamtak kan awm thu te a sawi a. Remchang laa post ruak awm apianga inhnawhkhah ve ngawt tum, hmalam beiseina dang engmah neilo, sum leh pai tamtak sengrala sorkara innghat mi tamtak kan awm thin te chu a ngaihmawh thu a sawi bawk. Pu HC. Lalthawmliana chuan 'Lehkha kan lo zirsang lo ani emaw ka thiam lo anih pawhin keimahniah hian talent inphumru a awm vek a, chumi haichhuak thiam apiangte, taima leh tumruhna nena Pathian rinchhan tlat tu te chuan hlawhtlinna leh zahawmna te an hlawh chhuak thin' a ti bawk.
Hemi ni vek hian Chamdur (P), Fishery Society-in Pu HC. Lalthawmliana hi kawmin, fishery chungchanga an harsatna, Sangha chi an hmuh ngailoh thu te, an hmuh chhun pawh an khua a thlen ngai loh thu leh tlai tak taka hmundang atanga an lei thin thute an lo thlen a, EM chuan an harsatna chu sutkian sak a tum thu te, Sangha chi pawh ahun taka sem anih theih nan tender pawh chhuah a nih thute a sawi a, Fur khuain kawng te a tihchhiat loh chuan Chamdur hmunah Sangha chi pawh sem ngei anih theih nan hma a lak tur thu a sawi bawk
Post a Comment