Lawngtlai, May 25, 2022 : Vawiin, May 25, 2022 khan Central YLA huaihawtin Lawngtlai khawpuiah leh Bungtlang South-ah District Hospital Lawngtlai-a thawktu indaihlohna avanga Mizoram Sawrkar nawrna atana Picketing neih a ni a, he hunah hian sorkar office, bank leh zirna school kal turte dan a ni. Vawiin Picketing hi Lawngtlai District mipuite thlawp a hlawh hle a, mipuite thlawpnaah Central YLA chuan lawmthu a sawi a ni. 

Central YLA chuan Mizoram Sawrkar aá¹­anga thu lawmawm, Lawngtlai District mipuite hahdamna tur khawp an la hmuh loh avangin Picketing hi khauh lehzuala neih chhunzawm an rel a, zanin leh naktuk lamah pawh Picketing hi khauh lehzual zawkin neih chhunzawm leh a ni ang.

Health & Family Welfare Department, Gov't of Mizoram chuan vawiin, May 25, 2022 khan doctor posting & transfer order thar tichhuakin May 20, 2022 a District Hospital Lawngtlaia thawk lai Dr. Andrew Kawlthangpuia, Grade-II leh Dr. Paul Lalchungnunga, Grade-II, Phura leh Bungtlang South-a awm tura tih chu thuleh awm hma atan District Hospital Lawngtlaia la awm tura tih a ni.

Hei bak hian May 23, 2022 a DMS District Hospital Lawngtlaia awm tura tih Dr. Lalbiakdiki, Civil Hospital Aizawl chu a awmna ngaia awm tura tih a ni a, Dr. Beiparysa K, Grade-II (Specialist), District Hospital Lawngtlaia thawk lai chu DMS District Hospital Lawngtlai hna chelh tura tih a ni thung.

May 23, 2022 khan DMS District Hospital Lawngtlai Dr. Zothanpari Chhakchhuak, Grade-I leh Dr. Lalmalsawma, Grade-II te chu Saitualah sawn an ni bawk.

Central YLA hruaitute chuan vawiin lamah Mizoram sorkarin Disttrict Hospital Lawngtlaia doctor thawklai pahnih; Dr. Andrew Kawlthangpuia leh Dr. Paul Lalchungnunga te an transfer order sut mah sela, Dr. Zothanpari Chhakchhuak, Grade-I leh Dr. Lalmalsawma, Grade-II te chu transfer an ni tho a, May 23, 2022 a Mizoram sorkarin District Hospitawl Lawngtalia thawk tura a rawh dah Dr. Lalramhluna Tochhawng, Grade-II (Rawpuichhip PHC), Dr. K. Vanlalhriati, Grade-III (District Hospital Serchhip) te nen tunah hian District Hospital Lawngtlaiah hian doctor pariat (8) tho an la awm a, he aia tam hi kan dil belh a ni an ti a. Hei mai bakah hian Bungtlang South PHC ah doctor dah a la ni lo bawk tih sawiin, vawiina Mizoram sorkar order siamah hian lungawina an la hmuh loh thu an sawi.

Post a Comment

Powered by Blogger.