Lawngtlai, May 25, 2022 : BJP Lai Autonomous District Hqrs., Lawngtlai chuan Mizoram Sorkarin District Hospital Lawngtlai a thawk lai Doctor te min sawn sak chungchang leh Doctor dah belh tura ngenna chungchanga Central Young Lai Association hmalakna chu an thlawp tlat thu an sawi a. CYLA ngenna hi tihlawhtling nghal turin Pu Zoramthanga kaihhruai Mizoram sorkar chu an ngen tih an sawi bawk.
Lai Dist. BJP chuan Lawngtlai District-in Chief Judicial Magistrate pawh kan nei lo tih sawiin, Siaha nen min kawp mek a ni an ti a. Tin, Sangau hmuna SDO pawh mumal takin a la function lo tih sawiin, hengte hi State a MNF Party Sorkar hian ruahmanna tha tak siamin, dah nghet vat nghal tura an duh thu an sawi.
Lawngtlai District chu district ngaihthah bik a ni thin chu Lai Dist. BJP chuan an hriatthiam loh thu vawiina an thuchhuahah an sawi a, NGO hmalakna chu an thlawp zel tur thu an sawi bawk.
Post a Comment