Lawngtlai, May 13, 2022 : Pu Elvis Lalthangzuala, Council Veng, Lawngtlai chuan Faina Pasaltha ‘Swachhta Warrior’ chawimawina a dawng.
Vawiin khan Urban Development & Poverty Alleviation (UD & PA) Department ten Mizoram pum huapa faina kawnga inelna an buatsaih 'Mizoram Cleanliness Competition 2021' lawmman semna hun Vanapa Hall ah an buatsaih a, hetah hian Deputy Chief Minister Pu Tawnluia chu khuallian a ni. He hun ah hian lamah faina kawnga hmalakna hrang hrang inhrilhhriatna leh puanzarna programme 'Swachhta Conclave 2022' hman a ni bawk.
Vawiina Mizoram pum huapa faina kawnga inelna lawmman semnaah hian Aizawl Area chhungah AMC Ward XVIII-na chuan pakhatna lawmman a la a, Saitual District chu District Headquarter fai ber a ni a, Lawngtlai District chu pakuana a ni. Urban Area-ah Biate chu khaw fai ber an ni bawk a. Local Council-ah Laipuitlang Local Council chu pakhatna an ni a, Village Council-ah Tumpui, Kolasib VC chu pakhatna an ni bawk.
Hei bakah hian khawpui hrang hrang atanga thlanchhuah Faina Pasaltha ‘Swachhta Warriors’ 9 hnenah chawimawina hlan an ni bawk.
Faina Pasaltha ‘Swachhta Warrior’ chawimawina dawngtute :
Rohmingthanga- Bazar Veng, Serchhip
Zionthanga- Keifang Venglai, Saitual
F. Lalmuanpuia- Ngopa
B. Lalruatsanga- Zawlbuk Veng, Biate
H. Lalhmangaiha- Kahrawt, Champhai
Elvis Lalthangzuala- Council Veng, Lawngtlai
Vanrammawii- New Siaha East-I, Siaha
R. Lalengliana- Rahsi Veng, Lunglei
C. Lalrinthanga, Zotlang, Aizawl
Post a Comment