Lawngtlai SP leh Central YLA hruaitu ten ram leh khawtlang tana thawhdunna tur an sawiho

Lawngtlai, May 13, 2022 : Nilaini, May 11, 2022 khan Lawngtlai SP thar, Pu Rakesh Paweriya, IPS leh Central YLA hruaitute chu Lawngtlai SP Office-ah inkawmin, ram leh khawtlang tana thawhdunna tur te an sawiho. Central YLA hi an President Pu Hc. Vanlalruatpuia'n hovin SP thar leh Central YLA hruaitute hian inhmelhriattawnna an nei bawk.

    Central YLA hruaitute chuan Lawngtlai District chhunga sual na chi hrang hrangte, ruihhlo leh a kaihhnawih dona kawngah theihtawp an chhuah thin tih  sawiin, thiltha turah chuan Police tha tichak turin an inpeih reng tih SP hi an hrilh a. Lawngtlai SP, Pu. Rakesh Paweriya, IPS chuan YLA hmalakna chu lawmawm a tih thu sawiin, District ralmuang, khawtlang nuam siam turin theihtawp chhuahpuiah a sawm. Vawiina an inkawmhonaah hian thalai leh naupang ten nun kawng dik an zawh theih nana hmalak ho dan tur te an sawi hova a ni, 

    He inkawmhonaah hian hun rei tak hmalakna nei tawh lova awm Village Defence Party (VDP) din thar leh chungchang pawh sawi lan a ni.