Rauthla, May 12, 2022 : Lawngtlai District Hospital chuan a zawna a vawi lina ni turin vawiin khan Damdawi in tha leh felfai ber lawmman pakhatna a dawng.
Vawiin khan Multi-Disciplinary Training Centre, ITUI, Aizawlah National Health Mission (NHM) programme buatsaihin Kayakalp (Damdawi in tha leh felfai lawmman) chi hrang hrang sem a ni a. Health Minister Dr. R. Lalthangliana chu khuallian niin Health & Family Welfare Board Vice Chairman Dr ZR Thiamsanga chu khual zahawm a ni.
Hripui leng avangin Kayakalp Award hi kum 2020-2021 khan sem theih a ni lova, tun tumah hian kum 2 (2020-2021 leh 2021-2022) atan sem a ni.
Kum 2020-2021 khan Lawngtlai District Hospital chuan Kayakalp (Damdawi in tha leh felfai lawmman) pakhatna hi a lo dawng tawh a, kum 2021-2022 ah pawh Lawngtlai District Hospital chu pakhatna a ni leh bawk a ni.
Vawiin vek khan kum 2021-2022 chhunga District hrang hranga PHC te hnenah lawmman sem a ni bawk a, Lawngtlai District chhunga PHC lawmman dawngtu chu Sangau PHC leh S Lungpher PHC te an ni.
Post a Comment