Siaha, May 19, 2022 : Mara Autonomous Dist Council Chairman thlanna MADC Session hall a nimina neihah, Pu N.Viakhu chu MADC term 12-na chairman thar atan thlantlin a ni.
Chairman thlanna hi Protem chairman Pu K. Hrahmo an a kaihruai a, Chairman atana nomination file pahnih Pu N.Viakhu leh Pu N. Zakhai te chu session hall ah ballot paper an sem hmangin vote an thlak a, Pu N. Viakhu hian vote 13 hmuin Pu N. Zakhai hian vote 11 a hmu thung a ni.
Chairman thar lawmpuina thu hi Pu M. Laikaw BJP leader leh Pu Hc. Lalmalsawma zasai Dy. Leader MNF & INC ten lawmthu sawina leh beiseina sang tak a laka an neih thu an sawi a, Mara chi leh hnam tan leh house zahawmna atan theihtawp a chhuah an beisei thu an sawi.
Hemi hnu hian Pu N. Viakhu hi a thutna turah BJP leader leh Joint legislature leader ten an hruai a, Pu N. Viakhu chuan session kaihruai chhunzawmin lawmthu a sawi hnuah Dy. Chairman thlan hun DCA atanga an rawn ruat hunah session neih leh a nih tur thu a sawi a. Session chu chawhma dar 11:05am khan tiamchin awm lovin a titawp zui a ni.
Post a Comment