Rauthla, May 19, 2022 : Thlawhtheihna tlan kawng (runway) a khawk leh pawr a awm avanga niminpiah leh nimina Lengpui tumhmun khar chu siamthat hna zawh tawh a nih avangin vawiin, Ningani atangin thlawhtheihna a tumin a thlawkchhuak leh tawh dawn.
Civil Aviation Principal Consultant Wing Commander Joe Lalhmingliana sawi danin thlawhtheihna tlan kawng mam lo hi Public Work Department (PWD) in ngawrh takin an siam a, siamthat a nih bakah hian a tul angin an vil reng rih dawn a. Lengpui tumhmun-ah hian nitin thlawhtheihna 7 atanga 8 vel tum a, thlawk chhuak reng ang a ni a, Pathianni-ah thlawhna tum leh thlawkchhuak a awm lova, chawlhkar khatah thlawhna lo tum hi 35 emaw 36 vel a ni.
Thlawhna hmanga Lengpui a rawn tum hi mi 760 vel an ni a, thlawk chhuak hi mi 880 vel an ni.
Post a Comment