Rauthla, May 19, 2022 : Nimin khan Mizoram Wrestling Association buatsaih, 5th Inter District Mizoram Wrestling Championship 2022 Serchhip a buatsaih a hmanpuinaah, Pu TC Pachhunga chuan, "Kum 2 chuang zet Hripuiin min luhchilh vangin kawng engkimah Sawrkar leh mipuiin harsatna tam tak kan hmachhawn a. Tunah chuan hripui leng pawhin ziaawm lam a lo pan chho ta zel in nunphung pangngai zawh turin Sawrkar leh mipui pawhin hmalam kan pan chho mek zel a ni. Hripui vanga mipuite hnathawk thei lo a kan awm chhung khan, Pu Zoramthanga kaihhruai MNF Ministry hi a awm mai mai lova. Hmasawnna hna tam tak chawl lovin kan thawk  zel a.  Kan CM zahawm tak Pu Zoramthanga leh Sports Minister zahawm tak Pu Robert Romawia Royte, a ngaihna hriate zarah abik takin Sport Infrastucture Development-ah phei chuan, Mizoram mipuite tan haider rual lohin hma kan sawn a ni," a ti.

"MNF Party chuan 2018 Election dawn a kan intiam ang ngei khan, Flagship Programme SEDP hnuai ah, Sports Discipline hrang hrang chu, Co Curricular ni tawh lovin, Carricular ni tawhin, SEDP Sports Policy thar hnuaiah Sport Industry a puang ngam leh nei hmasa ber kan ni hial tawh a. Mizo thalaite hian tihtur kan neih te hlen chhuak tura kan theihnate lan chhuah tir turin, hmalam i pan zel ang u" Pu TC Pachhunga chuan a ti bawk a ni.

Sports & Youth Services (SYS) Departtment hnuaiah hian, Discipline Association hrang hrang 33 zet an awm tawh a ni. 

Post a Comment

Powered by Blogger.