Lawngtlai, May 13, 2022 : Vawiin khan Lawngtlai-III Veng chuan veng pum huap hnatlang neiin, an thluanmual hluia thlan 11 an sawnchhuak.
YLA Lawngtlai-III Branch hruaitute sawn danin, an thlanmual hlui thlanglam, Khurpui hnaih lam chu fur ruahtui a tlak tam zel chuan min/chim maithei dinhmunah a ding tih an sawi a, hei vang hian helai hmuna thlante chu haiin, mi 11 ruang chu hmun him lamah an sawn.
Thlanmual thar lamah thlan thar paruk laiin, mi paruk an dah a, thlanmual hluiah thlan hnihah inphumthuah an awm bawk a, mi 1 chu Electric Veng thlanmualah dah a ni bawk.
Lawngtlai-III thlanmual hi hun rei tak atang khan min hlaauhawmin a wm tawh a, a theih ang angin kawng hrang hrangin a min tur chhan tumin hmalakna neih tawh thin a a ni.
Hemi chungchungah hian Lawngtlai-III bialtu MDC Pu T. Lalengmuana chuan Lawngtlai-III thlanmual mawng lam, Khurpui lui hnaih lamah harsatna an tawh dan sawiin, kum 2015 chho bawrah khan helai hi a min tawh a, hei vang hian thlan engemawzat sawn chhuah a ni a, a thente phei chu a min puite pawh a awm a ni a ti. Tun hnaiah helai hmun hi a chet leh thu sawiin,hetiang a nih avang hian thlan 11 chu hmun himah lamah dah an tum thu a sawi.
Pu T. Lalengmuana chuan helai hmun hi sinking area-a chang thei a nih avangin a siamthatna tura hmalak mek a ni a, sorkara hotute dawr niin, sum pawh hmuh an in beisei thu a sawi bawk.
Post a Comment