Lawngtlai, May 25, 2022 : Lai District Congress Committee Headquarters ; Lawngtlai chuan a thlawp tlat thu leh a tawp thlenga CYLA lama an tan tur thu vawiin khan an sawi.
LDCC chuan Mizoram district zingah naupiang hlim thihna tam berna district leh population-ah pawh a tam ber pawl kan nih laiin tun dinhmunah hian District Capital te zingah District Hospital a Doctor nei tlem lawt lak kan ni bawk an ti a. District dangah doctor dah belh an nih laiin keini erawhchu chhuhsak in kan awm chho ta zel a ni an ti a. Kum 2020 atang khan Mizoram Sorkar in Sorkar hmasa in Lawngtlai District Hospital a Doctor a lo dah tawhte chu an aiawh tu tur dah si lo in a sawn chhuak ta zauh zauh tih an sawi bawk.
Tun hnaiah kan Doctor pali lai transfer an nih leh chu inzahlohna leh inpal zamnaah an ngaih thu leh he an transfer order chhuah hi a rang thei ang bera sut leh turin Mizoram an ngen tih an sawi a. Hetih rual hian kum hmasa lama an aiawh tu tur dah lo a an sawn chhuah takte aiawh tur pawh min pek belh ngei se an ti.
LDCC chuan Lawngtlai West bialtu MLA Pu C. Ngunlianchunga chuan kan harsatna hriain, thuneitute a hmu nghal a, he an thiltih hi sut leh nghal tura a ngen chu Lai DCC chuan lawmawm kan ti a, Lai mipui ten rintlak leh in nghahna tlak MLA kan nei chu kan chhuang hle a ni an ti. Ruling MLA leh LADC a kan hotute pawh tun hi an pute biak hun a ni dawn lawm ni? an ti a, Triple Enginge min tiam a, triple engine namnun ngai lek hi mi MNF sorkar hian Lai District tan mi pek? tiin zawhna an siam bawk.
Post a Comment