Kamalanagar, May 9, 2022 : Chakma Autonomous District Council-a rorellai MNF MDC 14 te chuan nimin khan Chief Executive Member nilai Pu Rasik Mohan chu a nihna atangin bang tur an ngen a, an lehkha thehluhah hian MDC 14 ten hming an sign a ni.
MDC 14 te hian CEM nilai Pu Rasik Mohan Chakma, MNF Party President ni bawk chuan a thuneihna hmang dik loin MDC te zingah pawh duhsak bik a nei a ni an ti a. CADC chu mumal taka a kal theih nan leh MNF party tan pawha a that zawkna a nih dawn avangin bang turin an nawr tih an sawi bawk. CEM Pu Rasik Mohan Chakma hi a bang nghal lo a nih chauan vawiina budget session-ah paihthlak a ni ang tih an sawi bawk.
CADC term hi April 2023 ah a tawp dawn a, tun term chhung hian CEM vawi 5 an inthlakna tur a ni dawn a, tuna CEM nilai hi vawi 2 an thlakna tur a ni bawk.
CADC ah hian seat 20 a awm a, MDC zawng zawng hi an vaiin MNF vek a ni.
Post a Comment