Lawngtlai, April 30, 2022 : Nimin khan ZPM Dist. Hqrs., Lawngtlai chuan hruaitu thlanna an nei a, President atan Pu Mc. Lalramchhana thlan a ni. ZPM Gen. Hqrs. atangin inthlanna buaipui turin Pu Zohmingliana Khiangte Secretary I/c Minority leh Pu Lalsiamliana Secretary I/c Lawngtlai te an lo kal a, Er. Lalhmingliana, Gen Secretary I/c Minority & District Council Affairs, Lalmuanpuia Punte, Gen Secretary Gen, Hqrs, leh Pu Peka Hachhek, North Block President ten District Hqrs. inthlanna hi an telpui bawk a ni.
Nimina Zoram People's Movement (ZPM) Lai District Headquarters, Lawngtlai hruaitu 2022-2024 thlannah hian President atan Pu Mc. Lalramchhana thlan nawn a ni a, Vice President atan Pu CT. Mawia thlan niin, Treasurer atan Pu B. Lalrinsanga thlan a ni bawk.
He inthlannaah hian Party hruaitu chatuan ram ta Pu B. Johnson, Pu K. Tlungchina, Pu Vanmalsawma, Pu Sangthanga leh Pu Lalnunsiama te sunna hun hman a ni.
Post a Comment