Siaha, April 30, 2022 : Vawiin khan F. Lalremsangi, Vice Chairman CSM & VC BJP Mizoram chuan Siaha-ah thuthar thehdarhtute a kawm a, F Lalremsangi chuan 'CADC, LADC leh MADC mipuite te hi MNF sawrkar chungah lungawi an awm lo' a ti a. Mizoram State MNF sawrkar anga eirukna khurpui leh hmasawnna hnungtawlha mipui retheihna leh Law & Order tlakchhiatna khawi State ah mah an awm lo a ni, a ti bawk.
F. Lalremsangi chuan Dan in chanvo a pek angin Mizoram ADCs pathumte chanvo dik pek hi Central BJP leh Mizoram BJP ten kan tiamin kan Agenda laimu ber a ni. MNF sawrkar hmasa 1998-2008 hunah khan ADC pathumte Hmelma chu MNF sawrkar niin, ADC te a sawpchhe nasa hle a.Sixth Schedule hnuai ah 20-BB Constitution provision awmlo se MNF Sorkar hian District Council te a thiat vek tawh ang. Tunah MADC in hmasawnna turin Central sorkar ah Scheme & Project te dil hlawhtling ila a hnathawktu Contractor thlana thuneihna chu State sawrkar PWD in a chhuhsak leh vek zel a. "CADC, LADC leh MADC mipuite te hi MNF sawrkar chungah lungawi an awm lo. LADC leh CADC pawh inthlang se, MNF Party hi a tla chiang hle ang" tih a lang chiang hle a ni a ti.
"Central BJP in MBJP aiin min duhsak zawk, Siaha District hi district khawro ber” a sawitu rilru hi Minister nilovin kawtthler Tlangval hawklak sawi niawm tak a ni. Tunlai thiamna atanga Politics thlirin a sawina mipuite bakah Zoram mipui tan leh a bikin Siaha district tan pawh a zahthlak a ni. MNF Sorkar hnu 2019 leh 2022 inkar ah Nuai hlir nuaih singthum (300000) chuang Central Sorkar in Siaha distrct tan a pe tawh a, PM Modi kaihhruaina hnuaia BJP CM, Opposition CM, NDA & NEDA CM sawrkar tute mah hi Central sawrkarin duhsak bik emaw endawng bik tumah an awm lo a ti a, MNF Minister Pu RRRa'n hetiang tawngkam awmze neilo a phuhchhuah duhna hi MADC Election ah BJP a huphurh lutuk vangah kan ngai a ni tih F. Lalremsangi chuan a sawi.
Post a Comment