Lungtian, April 30, 2022 : Vawiin, April 30, 2022 (Inrinni) khan Ṭhalai Kristian Pawl Phawngpui West Pastor Bial te chuan a mamawh apiangte hman turin a thlawnin thisen an pe a, thisen pekna hun hi Lungtian-ah hman niin, District Blood Bank Siahaa thawktute’n a hmunah kal chilhin thisen hi an laksak a ni.
Thisen pek pual hian hunserh hman niin Upa MC. Darvunga, Chairman, BCM Lungtian-in Pathian hnena hlanna hun a hmanga, Pu Lalnunkima, President AVBD Siaha-in thisen pek pawimawhna leh ṭulnate a sawi bawk.
Thisen petute hi mipa 25 leh hmeichhia 5, an vaiin mi 30 an ni a, thisen unit 30 an pe a ni.
Phawngpui West Pastor Bialah hian ṬKP Unit pali awmin member 280 vel an awm mek a ni.
Post a Comment