Lawngtlai, April 28, 2022 : Nimin khan MJA Lawngtlai District chuan an Member Pu C. Zathianga, News Editor The Lawngtlai Post chu MJA Member atanga thlahna hun, Lawngtlai Press Club ah hman a ni a, he hun hi LADC a Executive Member, Information Department enkawltu Pu Lalropuia Chinzah chuan khuallian niin hun a hmanpui.
District MJA Vice President Pu Elvis Lalthangzuala kaihhruai, Pu C.Zathianga thlahna hun ah hian Pu Lalropuia Chinzah chuan Lawngtlai District MJA ten Sorkar an thawhpuidan chu chhuanawm a tih thu sawiin, Chanchinbumite chu Sorkar kutke ber an nihna Lawngtlai Chanchinbumite chuan an hriain, ram leh hnam tan an thawhhlawk takzet tih a sawi a, pawl a zahawm zawk nan inrelbawlna feltak an nei chu entawntlak a tih thu a sawi.
MJA Lawngtlai District ten a vawikhatna atan member thlahna hun in hmang thei hi ropui ka ti tak zet a. Hetiang thil hi hmun dang ah an tih ka la hre ngai lova, hei hian MJA Lawngtlai District a member te ah thawhhona tha tak in nei ani tih Chiang tak in a lang a. Mahni leh mahni intuamhlawm a, MJA member te pension scheme tha tak nei a, in member chhuak tur thlahna atan sum eng emaw zat in pe thei hi a lawmawm tak zet ani, a ti bawk.
Pu Lalropuia Chinzah chuan, tun MNF sorkar Pu V. Zirsanga kaihhruaina hnuaiah Journalist te hamthatna tur pawh kan ngaihtuah chho mek zel ani, a ti.
Lawngtlai District President MJA Pu Lalngheta Ralte chuan Pu C. Zathianga chu thawhpui nuam tak a ni tih sawiin, MJA tan mi tangkai tak a ni a ti a. State sorkar in Journalist Pension te pawh a buaipui chho mek zel a, a hlawhtling ngei pawh kan beisei a. Chutiang anih mek lai chuan Journalist te pawh pension pek tlak ni tura kan inthlitfim ngam pawh a ngai ani, a ti a. Tuna kan sorkar hian MJA Lawngtlai District te hi min thlahthlam lo hle a, tunah hian LADC Budget ah GIA to Journalist ah 50% lai maiin kan budget min tihsan sak thei hi kan lawm tak zet ani, a ti bawk.
Pu C. Zathianga hi October 8, 2010 ah MJA Lawngtlai District member atan lakluh a ni a. 2010-2014 thleng khan MJA Lawngtlai District ah Fin.Secretary nihna a lo chelh tawh a. Tin, 2014-2018 thlengin Treasurer nihna chelhin, kum 2019-2021 thlengin Secretary nihna a lo chelh tawh bawk a ni.
Pu C.Zathianga thlahna inkhawm hi Pu Elvis Lalthangzuala Vice President in a kaihruai a. Thlahna thilpek hi ciatation leh a pension account atangin Rs 20565 hlan a ni.
Post a Comment