Rauthla, April 12, 2022 : Vawiin khan MPL U-18 matchday 1 khelh a ni a, Lawngtlai District player tel tamna Aizawl FC chuan FC Bethlehem chu si hnih faiin an hneh.

Aizawl FC tan hian Lalmuanawma leh Lalremtluanga'n goal khat ve ve an khung. Lalmuanawma hi Pu Rohimliana, Futsal Committee, Lawngtlai DFA Vice chairman fapa a ni. Vawiina Aizawl FC tana goal khungtu Lalmuanawma hi midfielder a ni a, vawiin match ah hian centre-back ah a khel thung.

Aizawl FC ah hian Lawngtlai District atangin player pali; Lalmuanawma, Lawngtlai - III, S. Lalchema, Lawngtlai Council Veng, Ngurthanmawia, Sangau leh Joseph Lalmuanawma, Vaseikai te an khel mek a. April 14, 2022 ah Aizawl FC hian Chhinga Veng FC an khel leh ang.

Vawiin MPL U-18 Matchday 1 ah hian Chandmary FC chuan 3-0 in Electric Veng FC an hneh a, Mizoram Police FC chu FC Venghnuai lakah 0-1 in an tlawm a, Aizawl FC in 2-0 in FC Bethlehem an hneh a, Chhinga Veng FC in 5-0 in Chawnpui FC an sawp bawk.

FC Venghnuaiah Lawngtlai player Rohmingliana (Lawngtlai Vengpui) leh Hruaitluanga (Thingkah) te an khel bawk. 

Post a Comment

Powered by Blogger.