Darlawn, March 01, 2022 : Nimin khan ZPM Thalai Hqrs. hruaitute leh ZPM Tuivawl South Block hruaituten Darlawn PHC building sak thar an tlawh.
Dr. C. Lalrammawia, ZPM Thalai Hqrs. Sr. Vice President chuan, "Tun MNF Ministry-ah hian Chief Minister leh Health Minister te hian dik taka ram hmasawnna buaipui aiin restricted tender hmanga contract pekah an intlansiak em ni?" a ti. Health & Family Welfare Dept. hnuaiah September ni 7, 2021 thleng khan restricted tender hmangin nuai 5500 chuang pek niin, chu'ng zingah chuan Zamzo Engineer, Construction & Consultancy, Bawngkawn hnenah contract 12 , cheng nuai 3536.648 man pek an ni a, hemi bakah hian firm 5 dang hnenah pek an ni.
ZPM Thalai chuan Darlawn PHC building sak thar Rs. 1,40,21,000/- lai senga Mizoram Technocrats Company (P) Ltd., Sikulpuikawn-in an sak an enfiahnaah hian thil fel lo chi hrang hrang an hmuh thu an sawi a. “kawlphetha pawh luhna pawh leiah zam mai mai niin, building chhuat zut mam loh a tam a, chhuat in awn hleih a tam hle. Bang khi leh chhuat khi a tam hle a, ceiling hi tile hmanga chhe taka siam niin, toilet mumal lo taka siam a ni a, wash basin pawh a siam a chhe hle. Tin, kopang pawh a ngila sang taka rem a ni a, drain hole siam a ni lova, building estimate leh a sak a inremlo hle” an ti.
Darlawn PHC sak hi a chhe hle a, eirûkna lian tak a awm kan ring tlat tih sawiin, ZPM Thalai chuan Darlawn PHC sak hi enfiaha, a nih dan tur ang taka siamtha turin MNF sawkâr an ngen tih an sawi.
Post a Comment