Aizawl, March 01, 2022 : Agriculture Minister Pu C. Lalrinsanga’n Loneitu kum 14 atanga kum 40 inkarte tan Mizoram sorkarin pension scheme thar a ruahman tawhah hma lak chhunzawm zel a ni a ti.
Nimin Session-ah zawhna chhangin Minister hian Pradhan Mantri Kisan Maandhan Yojana (PM-KMY) Farmer’s Pension Scheme, sokar laipuiin a ruahmanah loneitu kum 18 atanga kum 40 inkarte tan hamthatna dawn theih a ni dawn, a ti a; PM-KMY chu kum 2019 September ni 24 khan Mizoramah tlangzarh a ni a, Scheme hnuaiah hian loneitute an inziah luh theih nan Common Service Centre (CSC) pawh sawrkar laipuiin a ruat a, loneitute an inziah luh theih nan sawrkarin hma a la reng a ni, a ti.
Hetihlai hian PM-KMY hnuaiah pension pek an la awm lo va, loneitu he scheme hnuaia inziak lute chuan kum 60 an tlin hnuah pension an la thei ang, a ti a. Inziak lut tawh mi 283 an awm a, Aizawl District-ah mi 32, Champhaiah mi 7, Kolasib-ah 4, Lawngtlaiah 197, Lungleiah 15, Mamitah 12, Serchhipah 15 leh Siahaah mi 1 an inziak lut tawh, Pu C. Lalrinsanga chuan a ti.
Post a Comment