Saitual, March 29, 2022 : GIG Motors 20th MFA Cup chu vawiin aṭangin Keifang Centenary Football Ground, Keifang, Saitual District-ah khelh ṭan a ni dawn. Chawhma dar 11:00-ah match hmasa berah Saitual FC leh Aizawl DFA aiawh Kanan FC te an inkhel ang a, chawhnu tlai dar 1 ah Lawngtlai FC leh Luangpawl FC, Mamit te chu an inkhel dawn a, tlai dar 3:00-ah Hnahthial club Electric FC leh Siaha FC te an intum bawk ang.
Lawngtlai FC Coach R. Vanlalpeka chuan vawiina an khelh tur Luangpawl FC chu an hneh ngei a beisei thu a sawi a. Inbuatsaihna vawrtawp a thlen laiin an player pahnih, Lalremruatfela, Electric Veng leh Francis Remruatsaka, College te chu an inhliam a, Saitualah hruai an ni lo. An pahnih aiah hian Joseph Lalmuanawma, Vaseikai leh Lalrindika, Lawngtlai Vengpui te chu Lawngtlai FC aiawh tur hian koh an nih thu a sawi. Coach R. Vanlalpeka hian tuna an squad-a awm te chu an dam kim thu a sawi bawk.
Post a Comment