Aizawl, March 02, 2022 : PC Party chuan Mizoram State Assembly Budget Session neih mekah Supplementary demand hi lo tih than dân a nih vâng mai a sawiho lova pawm a ni leh ngawt mai hi ram leh mipuite hmakhua a ngaihloh thlak hleah kan ngai an ti a. Mizoram leiba a pun chhoh phah zêl tur hi a thanat thlak hle a ni an ti bawk.
India Constitution article 205 ang chuan Supplementary Demand hi sum duan lâwk fuh loh leh inrenchem thiam tâwk loh avânga indaihlohna lo thleng thin siam rem nân a tih a ni lo an ti a, Appropriation Bill/ Act in sum hman a phal tawhnaa indaihlohna a lo awm palh thulha hman belh dilna tur leh kha sum hman phalnaa phalsa bâk hman a lo nih palha siamrem dilna tur chauh zawk a ni an ti.
Hetih lai hian sum a hmanna tura ruahman sâ leh pawm ang lova hman a nih leh a hmannatûr dik tak lama hman ni leh si lova, inthununna tlakchham avanga Supplementary demand-a innghah leh ringawt thin hi mipuite rulh leh tûr cheng vaibelchhe tam tak siamsakna leh phurrit belhchahna lian takah PC Party chuan kan ngai a ni tiin thuchhuah an siam a. Hei hian kan ram roreltuten mipuite“retheihna khura kan pil thuk deuh deuh an pawisak lohzia a tilang chiang hleah kan ngai an ti bawk.
Post a Comment