Rauthla, March 12, 2022 : Lengpui Aiport chei that hnathawh mekah Extension of Baggage Make-up Area sak mek chu March ni 10, Nilaini tlai khan a chim a, Mizoram PWD chuan he hnathawktu Contractor hi in rel lai chim siam tha leh nghal turin a hriattir niin an thuchhuahah an tarlang.
Aiport siam that mek chim chungchang hi Mizoram Public Works Department chuan thuchhuah siamin hetiang hian a sawifiah a, 'March ni 10,2022 Niangni tlai dar 4:50 khan Lengpui Airport Terminal Building sira Baggage Make-up area sak mek chu a chim a, thi leh hliamna lutuk tumah an awm lo tih tarlangin, in rel chim hi tukin khan Contractor leh Engineer ten an enho nghal a, tha taka siamtha leh tur a hmalak nghal a nih thu leh Contract Agreement ang ngeiin Contractor hi sum sen belh awm lova siam tha leh tura hriattir nghal a ni' tiin an thuchhuahah an tarlang a ni.
PWD thuchhuah chuan, Baggage Make-up area sak mek hi a vaiin sq.m 520.02 a ni a. Heta tang hian sq.m 238.50 hi slab chhun zawh tawh a ni a, a bang sq.m 281.50 hi chhun lai mekin a chim ta a ni. He slab chhun lai chim chhan ber ni a lang chu lei atanga slab san zawng hi mtrs 6.00 lai a sang a ni a, chu chu form work/shuttering chhawng thum a mau leh thing hmanga do a ni a, slab chhun lai a tihmuk nana vibrator an hmanlaiin a dona mau thenkhat hi a pelh palh a, chu chuan a slab chhunlai sq.m 281.50 hi a tlakpui ta a ni.
Post a Comment