Raltlante tanpuina hlan
Nimin khan Lawngtlai District Futsal Committee chuan Charity Futsal atanga an pawisa hmuh Cheng 38000/- chu Raltlante tanpuinaa hman atan Lawngtlai DC kutah an hlan.
Union Minister lo zin
Union Minister of Ports, Shipping & Waterways and AYUSH Sarbananda Sonowal-a'n nimin khan Aizawl a lo thleng a, Lengpui airport-ah sorkar mipawimawh ten an lo dawngsawng.
Incentive Cash Award sem dawn
LADC a Sports & Touth Services department chuan March 2021-March 2022 chhunga Lawngtlai District chhunga infiammi, State/nation/International level-a medal la te tan Incentive Cash Award a sem dawn a, hemi hun chhunga medal la te chuan kumin March 11 hmain office dilna form la chhuakin a dil theih a ni.
JERC thukhawm
Nimin khan 24th State Advisory committee chu Aijal Club-ah Pu R.Thanga, Chairperson, Joint Electricity Regulatory Commission for Manipur and Mizoram kaihhruaina hnuaiah an thukhawm a.Meeting-ah hian Electric Department in chak zawka mipuite tan hna a thawh theih dan tur te sawiho a ni a, thingtlanga streetlight changtlung zawk dah dan tur te ngaihtuah tel a ni.
Handloom Expo hmang tan
Sawrkar laipui Ministry of Textiles hnuaia Development Commissioner for Handlooms, New Delhi leh Mizoram Apex Handloom & Cooperative Society Ltd (MAHCO) tangkawp buatsaih Champhai Special Handloom Expo March ni 2-4, 2022 chhunga neih tur chu nimin chawhma khan Champhai Vengthlang YMA Hall-ah neih tan a ni.
Budget session tan dawn
11-LADC Budget Session 2022 chu March 25th 2022 (Zirtawpni) chawhma dar 10:30am ah LADC Session Hall, Lawngtlai ah Chairman Pu VL Hmuaka kaihhruainain tan a ni ang.
Post a Comment