Lawngtlai, March 03, 2022 : Vawiin khan Pu C. Hrangthianga, E.M (Revenue, Sports & Minor Irrigation deptt) leh LIKBK Assembly Puipa te chuan College Veng MDC Bial chhunga Chawnhu a raltlan awm mekte an tlawh.
Bialtu MDC leh Lairam Social Mission department te tangkawp chuan raltlan te chenna in tha zawk leh mumal zawka inthiarnate a awm theih nan in thar din sak turin ruahmanna siam a. Insakna tur pawh hmun remchang dap sak nghalin, Lairam Social Mission Department lam chuan in khat sakna atan Rs.70,000 (singsarih) zel pein, in 15 (sawmpanga) sakna tur an pe dawn a ni. Hei bakah hian Bialtu MDC hian raltlan te eitur atan Buhfai 2 bag vawiin vek khan a pe bawk a ni.
Chawnhuah hian raltlan 164 an awm mek a, Bialtu MDC leh LIKBK Assembly General Secretary te chuan raltlante chu khawtlang inkaihhruaina dan te zah tak chunga thlamuang taka awm tur leh harsatna leh mamawh chi hrang hrang awm thei te chu khawtlang hruaitute kaltlanga thlen zel tur leh,a thei ang anga an tanpui zel tur thu raltlan te hnenah hian an sawi bawk a ni.
Post a Comment