Oil Palm ching nasa tura hmalakna a awm lo
CM Zoramthanga chuan nimin session-ah Zodintluanga zawhna chhangin Mizoramah nasa zawka Oil Palm ching tura hmalakna hran a awm lo a ti a. Kum 2005 atanga kan kalpui dan kha la kalpui reng a ni a ti.
House-in pawmpui
Nimin Assembly session-ah House leader, CM Zoramthanga'n Economic Survey of Mizoram 2021-2022 leh 15th Annual report of the Mizoram Information Commission a pharh a, taxation minister Lalchamliana pawhin The Mizoram Goods and Services Act 2017 pharh ve bawk. Kum liam taa sorkarin sum a lo hman puk Rs. vbch 2161.4688 siamremna, The Mizoram Appropriation (Supplementary Demands for Grants 2021-2022) Bill, 2022 chu House-in a pawmpui.
A thlawnin Zeng hri danna pe dawn
Health Department chuan March 1 hian Mizoram puma Sub-centre leh IPPI booth tinah Naupang kum 5 hnuai lamte a thlawnin Zenghri hri danna a pe dawn. Zenghri danna hi lak tawh a awm lova, kum 5 hnuailam zawng zawng laktir vek turin Health Department chuan mipuite a ngen a ni.
Lungphum phum
Nimin khan Justice Michael Zothankhuma, Judge, Gauhati High Court chuan Kolasib Project Veng Judicial Quarters Grade-I sakna tur lungphum a phum.
Total bandh tur thulh
HPC party-in SHC sorkar paihthlak dodalna atana vawiin atanga tiamchin awm lova Sakawrdaia Total Bandh huaihawt an tum chu Sakawrdai VC-in thulh tura ziaka an ngen avangin, thulh rih an remti a. SHC chungchanga MNF leh HPC inremna ang taka kal erawh an phut tih an sawi.
Complaint thehluh chhan hrilhfiah
Mizoram Assembly speaker Lalrinliana Sailo laka Lokayukta-a complaint an thehluh chungchangah nimin khan ZPM party hruaitu ten Larsap Dr. Hari Babu Kambhampati hmuin, Speaker laka complaint an thehluh chhan te an hrilhfiah.
Post a Comment