Aizawl, March 01, 2022 : Mizo Zirlai Pawl (MZP) chuan nimin February 28, 2022-a neih tan HSLC Examination pawimawh takah zirlaiten tha tak leh tluang taka Exam an hmachhawn theih nan exam hun chhung Kawlphetha hnianghnar taka pe chhuak turin Sawrkar thuneitute an ngen nawn tih an sawi a, zirlaite lehkha zir tibahlah thei zawnga ri bengchheng siam lo tur leh harsatna siam lo turin MZP chuan mitinte an ngen.
Mizo Zirlai Pawl (MZP) chuan Exam hrang hrang hmachhawn tur zirlaite fuihin, thahnemngai tak leh ram leh hnam nghahfak an ni tih inhre reng chunga an zirlai te zir a, exam hmachhawn turin a chah a ni.
MZP chuan zirlai exam hmachhawn mekte tanpui an inhuam thu sawiin, zirlai Exam hmachhawn mek te harsatna tawk an awm chuan tanpui an in huam reng a, exam hmachhawn tur zawng zawng te tha taka an exam theih nan MZP chuan thinlung takin duhsakna a hlan nghal bawk a ni an ti.
Post a Comment