Mampui, March 12, 2022 : Pu Lalropuia Chinzah, Executive Member i/c. Horticulture etc., LADC chuan nimin khan Mampuia Horticulture Seed cum Demonstration Farm a tlawh.
Pu Lalropuia Chinzah, EM hian Seed farm linked road renovation hna leh LADC Golden Jubilee denchhana Horticutlture department in kuhva chî an kui ṭiahna hmun Mampui a mi chu a hmunah enin, tun dinhmunah kuhva chî hi Horticulture department in an kui aṭangin 98% a ṭiak a ni.
Pu Lalropuia Chinzah chuan, hetianga hmalakna hlawhtling leh tha tak mai Horticulture department, LADC in a nei thei chu lawmawm a tih thu a sawi a, Officer te leh Staff-te thawhrimna, inpekna leh taimakna vang a ni a ti a, theih tawp chhuaha tan kan lak zel chuan kan ram leh hnam tan hei aia tha zawk leh hlawhtling zawkin kan la ti thei a ni tih hria ila, theihtawp chhuahin tangho ila, lungrual takin hmasawn zel i tum ang u, tiin thawktute a fuih.
Pu Lalropuia Chinzah chuan, he kuhva ṭiak hi enkawl zel dan tur leh a semchhuah dan tur chu a enkawltu Department te rawn chungin la ngaihtuah zel tur a nih thu a sawi a, Pu V. Zirsanga, CEM kaihhruai sawrkar chuan kut hnathawktute hmakhua ngaiin theih tawp a chhuah zel dawn a ni, a ti bawk.
He hunah hian Demonstrator-te On Farm Refresher Training on Mango Pruning practical a neih nghal a ni.
Pu Lalropuia Chinzah, EM hi Pu C. Lalmuanvela DCAO, Pu T. Zoramnghawra, DCHO, LADC ten an tawiawm a ni.
Post a Comment