Aizawl, March 30, 2022 : Vawi khat hman daih Sarang (Single Use Plastics) chu Plastic Wastes Management Rules 2021 chuan siam chhuah bakah hman leh hralhte a khap tak avangin Mizoram Sawrkar pawhin, heng vawi khat hman daih plastic-te, tirem tura hma lakna tur kawng a duang fel tawh a. Chumi bawhzui plastic-te zir chiang tura inrawn khawmna chu nimin khan PCCF Conference Hall, Tuikhuahtlangah neih a ni.
He inkhawm hi Department hrang hrang te, Environment lam NGOs-te nen sawihona hun hi hman a ni. Kal khawmte chuan MULCO bawnghnute pack-na te, Dahi bur te, thlai tih tiahna poly bag-te chu a thlakna la awm mai lo a nih angin permitted SUP zingah telh ve ni se, amaherawhchu plastic semchhuah te, la let leh thung se thain an hria a, Chumi tura a tul anga rawtna thlen nise an ti.
Vawi khat hman daih Sarangte hi kumin chhunga tirem vek tura Sawrkar laipui thupek a ni a, he meeting hian theihtawp chhuaha mipui tan hona a pawimawhzia an sawi bawk.
Post a Comment