Rauthla, March 30, 2022 : Meghalaya leh Assam chuan nimin khan ramri buai chingfel tura inremna New Delhi-ah an ziak.
He inremna hi Union Home Minister Amit Shah-a hoa ziah a ni a. Thusawiin Pu Amit Shah-a chuan hmarchhak mipuite tan vawiin hi ni chhinchhiahtlak tak a ni a ti a. Prime Minister Narendra Modi-a kaihhruaina hnuaiah hmarchhaka remna leh muanna a awm theih nan leh mipui hnam ziarang humhalh kawngah kawng hrang hrangin hma lak a ni a ti.
Inremna ziah anih zawh hian Meghalaya CM Conrad K Sangma chuan Union Home Minister Amit Shah-a chuan ramri buai chinfel thuai chu a ngai pawimawh hmasa a ti a. Assam CM Himanta Bishwa Sarma nen thawhdunna tha tak an nei thei chu lawmawm a tih thu a sawi a. Meghalaya sawrkar chuan state pahnih an thawhdun zel theih nan hma a la ang a ti bawk.
Assam CM Himanta Biswa Sharma pawhin inremna an ziak ta chu lawmawm a tih thu a sawi a. State sawrkar pahnih ten ramri buaina lai chingfel turin tha taka thawhdun an remti a ti bawk.
Post a Comment