Aizawl, March 30, 2022 : Nimin khan Central YMA hruaituten Pu Lalchhandama Ralte, Education Minister a Pisa ah an kawm a. Central YMA hruaitute hian Zirna Sikula subject pakhat Environmental Studies hi subject pawimawh tak a nih avanga zirtirtute Training pek tul an tih thu te, zirlaiten an zirlaibu piah lama kut them thiamna (skill development) an neih theihna tura hemi lam hawi zirtirna kal pui chungchang te an sawi pui.

Minister hian School-ah a hranpa a Environmental Studies zirtirtu bik an awm loh thu leh a remchangin an zirtir mai thu a sawi rualin Environmental Studies zirtirtute Training pek chu a ngaihpawimawh thu leh lo en zui a tum thu a sawi. Zirlai ten kut themthiamna (skill development) an neihna tura inzirtir thin chu a tul thu a sawi bawk.  

Post a Comment

Powered by Blogger.