Khawzawl, March 02, 2022 : Zahan khan Pu C.C.Lalchhuangkima, Deputy Commissioner, Khawzawl District hruainak in DC Conference Hall ah Khawzawl District chung Pradhan Mantri Gram Sadak Yojana (PMGSY) hmang in lam cawh cuahmah liomi i riantuantu hna dirhmun zohfelnak le ceihtinak ngeih a si. A bik in Khawzawl - Ngaizawl PMGSY Road cawh liomi kongkau cuanh thannak le pehzulh haumi kong hna an ceihti.
I tonpumhnak (Meeting) ahhin nai hrawng i Ngaizawl -Khawzawl lam cawh liomi kongkau ah Phunglam le Nawlbia zulh kongkau i harnak (law and order issue) ummi tete hna chimceih a si i, hi bantuk thil a can (tlun) ti lo nakhnga phungning tein pehzulh haumi pehzulh kong hna ruahkhaan a si. Khawzawl District chung hmundang i PMGSY lam cawh liomi kong zong chimchih a si i, rianhma tha te in a kal khawh nakhnga tuantinak tha he pehzulh a herhnak zong chimceih a si. Cupin ah DC hruainak tang ah Cozah Official hna le Sub-Headquarters YMA hna nih caan rem hmasabik ah a hmun ah kal zohfelnak ngeih si seh ti in biakhiahnak tuah a si fawn.
Post a Comment