Rauthla, March 02, 2022 : Prime Minister Narendra Modia chuan nimin khan Ukraine-a thil thleng mek chungchang President Ram Nath Kovind a sawi pui. Nizan hmasa khan External Affairs Minister Dr. S. Jaishankar-a chuan President hi hmuin Ukraine atanga India mite thiarchhuah beihpui Operation Ganga chungchang a sawi pui bawk a ni.
Nimin vek khan PM Modia chuan Indian Air Force te chu Operation Ganga-ah hi zawm ve turin a ngen a. Air Force-te an tel chuan hun reilote chhungin thiarchhuah vat an ni thei ang a ti bawk. Hetihlai hain Indian Air Force chuan nimin atangin India mite thiarchhuak tur hian C-17 thlawhna lian a tir tan a ni.
Niminpiah khan Pu Modia ho hian Operation Ganga chungchangah high level meeting neih loh a ni tawh bawk a. He hunah hian PM Modia chuan India mite him taka thiarchhuah an nih theih nan sawrkarin theihtawpin hma a la a ti bawk.
Hei bakah hian Union Minister senior pali ten Special Envoy-a Ukraine buaina avanga ram hrang hrang an tlawh chuan India mi tangkhang-te hruai haw kawngah hmalak a ti chak dawn a ti bawk.
Post a Comment