Aizawl, March 02, 2022 : ZPM Thalai chuan nimin khan thuchhuah siamin, Sum leh pai chungchâng leh sawrkâr inrelbawlna kawnga MNF Ministry khalh ngil a ngaih lai bera speaker tha lo ber kan nei chu chuan pawi kan ti hle a, speaker-in house a kaihhruai danah ruling bench-a thu ang maiin, democracy rorelna In-a tih awm lohvin ro a rel chu lungchhiatthlâk an tih thu an sawi.
Tun hmaa Mizoram Legislative Assembly House-a speaker lo ni tawh thin te'n, zahawm leh lai taka house an kaihhruai thin nena tehkhin chuan, tuna kan speaker-in Assembly House a kaihhruai dan hi a inperhsan ta hle a, tun term reilote chhûng hian assembly house leh speaker thutthleng hian a zahawmna nasa takin a hloh a ni ZPM Thalai chuan an ti a. Kan rorelna sâng ber-ah speaker zahawmna chawinung a, house zahawmna vawn nun a nih theihna turin tan lam nei lo leh lai taka rorêlna kaihruai turin Assembly Speaker kan ngen a ni tiin thuchhuah an siam.
Post a Comment