Aizawl, March 02, 2022 : Dr. BD Chakma zawhna chhangin nimin khan Chief Minister Pu Zoramthanga chuan Autonomous District Council pathum te tan Mizoram Consolidated Fund atanga sum pek danah Standing Rules siam hranpa an neih loh thu sawiin, State Finance Commission in recommendation a siam anga kal tur an ni a ti a, an niin pawisa chu hlawh atana hman tur chi leh a danga hman tur chi anga recommendation an siam chuan chumi zulzui anga kal tur a ni a ti.
CM chuan ADC pathum ten sorkar hnathawk an lak tam luat avanga Council pawisa hlawha kalta deuh vek maite, a then phei chuan 98% percent hi hlawhah a kal a ni an ti a. Chuvangin sorkar dinglai apiang hian recruitment lo ti tawh rih su tiin Aizawl lam atangin theihtawpin kan han nawr a, amaherawhchu lak pun belh a ni char char a. Mipuite tana development awm lova hlawh ringawt maia pawisa a kal fai lutuk deuh hi chu a tih dan tha deuh zawnga kan infinchhuah a ngai a ni a ti a. Sawrkarin ADC-a mipuite hmasawn nan ngaihtuahna a seng a, an sum hmuh zawng zawng hlawha a hman deuh vek chu tha a tih bik lo thu a sawi bawk.
Post a Comment