Aizawl, March 02, 2022 : Nimin session-ah Dr. Vanlalthlana zawhna chhangin UD&PA changtu Minister Pu Tawnluia chuan Aizawl Bazarpui (New Market) sak thatna tur 'Modernization of Bara Bazar' chu sorarin a pawm tawh tih a sawi a, tun thla chhunga tender tura hmalak mek a ni a ti.
Pu Tawnluia chuan PAHOSS chu kalpui mek a ni a, tunah hian mi 11 an sa zo tawh a, tangkai taka kalpui mek a ni a ti a, tunah hian mi engemawzatin Parking House sak hna hi an kalpui mek a ni a ti bawk.
Dr. Vanlalthlana chuan New Market chu chhungkaw 1093 in eizawn nan an hmang tih a sawi a, 'office tangin tender hi January thla chhungin kan tichhuak ang tih a ni a. tunah pawh kan la hmu lo chu a ni a, kan ngaih pawimawh hma kan la chak em em si a, chhungkaw sang chuangin eizawn nan a an hman New Market hi sorkarin ngai pawimawh turin ka ngen a ni' a ti.
Post a Comment