South Lungpher, February 24, 2022 : Nimin khan Manipur University chuan Bachelor of Dental Surgery (BDS) Result 2022 a tichhuak a, South Lungpher khua L. Tluangzathanga S/o L. Hranghluna chuan Bachelor of Dental Surgery (BDS) tha takin a zo.
Tluangzathanga hi South Lungpher khuah Dt. 9th April, 1997 khan L. Hranghluna leh Sungtei Lahnim inkarah a lo piang a, Primary leh Middle Sikul hi a pianna khua South Lungpherah a zir a. Kum 2007 khan Lai Autonomous District Council Board of School Education hnuaiah Class VII tha taka pass in a titha zual (Top-10) thlan chhuah zingah 5th rank a hauh phak hial a ni.
Little Diamond English School Siaha atangin kum 2011 khan HSLC tha takin a zo leh a, kum 2013 khan KV Multipurpose School, Durtlang, Aizawl atangin HSSLC tha takin a zo leh bawk.
Kum 2016 khan BDS hi a zir tan a, Manipur University BDS Result 2022 nimina tihchhuah takah BDS chu tha takin a zo a ni.
Post a Comment