Rauthla, February 25, 2022 : UEFA chuan Russia-in Ukraine a run avangin tun season Champions League final chu Russia-a khelh tur ni mah se, hmun dangah an sawn dawn.



Nimin zing khan Russia chuan Ukraine a run tan a, hemi hnu hian UEFA president Aleksander Ceferin chuan ‘extraordinary meeting’ a ko nghal a, vawiin hian Europe-a football thuneitu sang ber UEFA hotu lawk te an inhmukhawm dawn.

He meeting-ah hian tun season Champions League final sawn tur chungchangah thu tihtluk a ni dawn a, final khelhna hmun tur hi United Kingdom-a stadium lian ber Wembley-ah a nih a rinawm hle a ni.

Tun season Champions League final hi May thla ni 28-ah Russia rama khelh tura ruahman a ni a, Zenit Saint Petersburg home Gazprom Arena chu thlengtu tur an ni.

Kum hnih liamta chhungin Champions League final khelhna tur hmun hi sawn a ni ve ve a, kum 2020 khan Istanbul atangin Lisbon-ah sawn a ni a, nikum khan Saint Petersburg atang hian Porto-a sawn a lo ni tawh bawk a ni. 

Post a Comment

Powered by Blogger.