A thlawnin RAgT test theih
Chief Medical Officer, Lawngtlai District chuan nimin khan thuchhuah siamin Director of Health Services thuchhuak angin Lawngtlai District chhunga BPL chhungkua, Weaker Section of Society/sum lama harsatna neite tan Covid-19 RAgT chu a thlawnin a test theih thu a chhuah. A thlawna RAgT test turte chu BPL chhungkua an ni ngei tur a ni.
Red Zone-ah puang
Lawngtlai DC chuan nimin khan Sangau-IV leh Cheural te chu Dt. 28.02.2022 zanlai thlengin Red Zone-ah a puang a. Chawnhu, Lawngtlai Electric Veng, Lungtian-I, Chawngte 'P' leh Lawngtlai AOC Veng te chu Orange Zone-ah a puang bawk.
Inbukna pe
MJA Hqrs. in Kum 50 a tlin lawmpuina atan Pi Chuauzikpuii, Councillor, AMC Ward X chuan Aizawl Press Club a hman turin Inbukna (digital weight scale) leh mask thahnem tak a pe. MJA golden jubilee hi a lawmna kalpui mek a ni a, March 23 leh 24 khian Chief Minister hovin Jubilee leh conference hman a ni ang.
Result chhuak dawn
MBSE chuan vawiin chhun dar 12:00 hian Diploma in Elementary Education Examination, 2021 (December) result tihchhuah a tum a. Result hi MBSE https://t.co/AIs7xcvxjT.in-ah en theih in a awm ang. Hrileng avangin MBSE Office-ah erawh tarchhuah a ni dawn lo thung.
Press Conference nei dawn
Vawiin dar 12:00 hian Pu K. Sapdanga, ZPM Working President chuan Lawngtlai Press Club ah Lawngtlai a thuthar-thehdarhtu te kawmna a nei ang.
SVEEP Core Committee thukhawm
Election Commission of India in vote neih hlutna leh tangkaina chungchang in irtirna atana ruahmanna a siam SVEEP Core Committee chu nimin khan Lunglei-ah DC Pu Kulothungan A hovin an thukhawm.
Post a Comment