Aizawl, February 23, 2022 : Nimin khan MSU hruaitute chuan ni 18.02.2022 zana MSU puhmawhna hrang hrang post-tu Thomas Luangliam A Facebook group Lawrkhawm a post-tu leh Liantu Daia Zoram Politicis Group 1-a post-tu te lakah complain an thehlut.



MSU hruaitute chuan Kamrul Laskar hnena cheng nuai 10 dila an puhna lakah hian an fihlim a ni tih lanna turin FIR chu submit an ni tih an sawi a. Kamrul-a chungchangah hian MSU chuan hma ala zel dawn tih sawiin, a Tribal Certificate cancel a nih theih nan Operation Alpha tih hmingpuin hma kan la chunzawm dawn a, he operation alpha hian Kamrul-a'n Tribal Certificate dan diklo hmanga a neih hi cancel a nih hma chuanin tha thlah loin a bei dawn a ni an ti.

MSU chuan Tribal Certificate hnamdangin an neih chungchangah Kamrul Laskar chauh ni lo tupawh dan dikloa Tribal Certicate nei te hnenah hma a la chhunzawm zel dawn tih an sawi a, chu chu Operation Beta tia an kalpui zel tur thu leh, he an hmalakna turah hian Zoram mipuite chu kan thenawmah emaw kan vengchhungah emaw Tribal nilo Tribal Certificate nei hria kan awm a nih chuan MSU hruaitute hnenah report pe turin an inngen a ni. 

Post a Comment

Powered by Blogger.