Aizawl, February 16, 2022 : Mizoram sorkarin hrileng donaa hmanraw pawimawh tak PPE kit thuitute chu an PPE thuina man an dawn theih loh avangin Health Minister Dr. R. Lalthangliana hmuh tumin nimin khan Minister pisa-ah an pungkhawm a, Minister chuan vawiinah sum an dawn tur hi an dawn a beisei thu a lo hrilh.
PPE thuitute sawi danin PPE thuitute hi an vain mi 60 an ni a. PPE hi nikum October thla atanga thui tanin an thui zawh sa chu November thlaah sorkarin an lak thu an sawi a. December ni 17-ah an thui man an hmuh tur thu sorkarin an hrilh chu tun thlengin an la dawng lo tih an sawi a. PPE thui man sorkarin a bat sak chu cheng nuai 5 tling lo deuh a nih thu an sawi a ni.
PPE thuitute sawi danin, PPE an thui lai hian sorkarin a duh hmanhmawh avangin nasa takin an tur a, Zanah tlaivar ten an thui a, an hah avangin mit na leh pile na te hial mi thenkhatin an neih phah a. Hei bakah hian PPE thui turin hlawhfa an ruai tih sawiin heng hlawhfa an rawihna pawh hi an la bat sak thu an sawi a. A hma chuan PPE thui man chu an dawng tha a, tuna a hnuhnung ber hi an dawng thei lo a, an chhan an zawh pawhin Finance department lamah a tang tia channa an hmuh thin thu an sawi.
Post a Comment