Mualpui, February 16, 2022 : Manipur Assembly Election-a duty tur Mizoram State Armed Police Force te nimin khan DGP Pu Devesh Chandra Srivastav-an 3rd Bn. MAP Parade Ground, Mualpui leh 5th IR Bn. Parade Ground, Lungverh atangin a vai liam.



DGP chuan India rama Police tha ber pawl Mizoram Police aiawha kal an nih thu leh, Police mai ni lo, Mizoram leh a chhunga chengte aiawha kal an nih thu kalchhuak turte chu a hrilh a. An duty-na kawng engkimah hna tha taka hlen a, felfai leh mahni invawng uluk taka awm turin kal chhuak turte a chah a. An kalna hmunah kum upate, rualbanlote leh nunaute dimdawiha puih an ngaih chuan tanpui turin a chah bawk a ni.

Mizoram Police atanga duty-a chhuakte hi an vaiin Company 10 an ni a, niminah kal chhuak nghalin tun thla ni 28 atanga March 5 chhungin Election thawh hnihah an duty dawn a ni. 

Post a Comment

Powered by Blogger.