Lawngtlai, February 17, 2022 : February 15, 2022 atang khan LADC hnuaia Class IV leh Class VIII te chuan final summative evaluation exam neiin, common question an chhang.



LADCBSE chuan zirlai ten zirlai an bahlah lutuk loh nan, Covid-19 hri leng karah pawh a theih ang angin zirna a kalpui thin a. Hrileng avangin zirna mumal nei thei lo mahse, Exam buatsaih ngei tha a ti a, Class IV leh Class VIII te tan common question siamin exam neih tir an ni. 

Covid-19 avangin school zawng zawngin exam an nei thei lo a, hetih lai hian school naupang 2000 chuangin exam an bei thei a ni. Exam hi Sorkain SOP a siamte tha taka zawm chunga buatsaih a ni a, Covid-19 avanga naupang an exam kim thei lo erawh chu pawi an ti tak zet a ni tih Pu A. Zaithanga, Secretary, LADCBSE chuan a sawi. Exam an buatsaih theih chhan chu Pu V. Zirsanga, CEM zahawm tak leh Controlling Authority, Pu Andrew Laltlanzara, EM, M/S changtu ni bawk thahnem ngaihna leh inpekna vang a ni a ti bawk. 

He exam  hi LADCBSE hnuaia zirtirtu te leh school naupang ten phur takin an bei a; Exam hi harsatna dang a awm lo anih chuan February 23, 2022 ah  zo fel tura ruahman a ni. 

Post a Comment

Powered by Blogger.