Rauthla, February 23, 2022 : Indian Oil Corporation Limited (IOCL) hnuaia Mizorama Oil phur tur ten an thil phurh man tihhniam sak an nih avangin tunkar vawiin nilaini atanga zirtawpni thlengin hna an thawk dawn lo tih an puang.



Mizoram IOCL Transporter Forum chuan thil phurh man chu kum 5 chhung zet an lo hman tawh thu sawiin, an rate tih san sak an duh laia  phurh man rate aia hniam zawka IOCL in phur tura a tih avangin Oil phurtu tan chuan phurh ngaihna a awm loh thu an sawi.

Mizoram IOCL Tran-sporter Forum thuchhuah chuan, thuneitute hnenah an ngaihdan te an thlen hnuah pawh ngaihthatna tur chhanna an hmuh loh avangin an harsatna lan tirna turin ni thum chhung February 23-25, 2022) chhung Mizoram chhungah Oil an phur lut thei dawn lo tih an sawi a. Oil an phur lut loh tura an tih hun chhung hian Challan lak loh leh Indent pawh siam loh nise an ti a. IOCL tanker bik reng reng he mi chhung hian Mizoram a oil phur lut lo tur in an inhriattir a, phurh luh luih tumte chu an dang dawn, ti an sawi bawk.

Hemi hun chhunga harsatna a thleng a nih pawhin mipuite hriatthiamna leh tawiawmna Mizoram IOCL Transporter Forum chuan an ngen nghal bawk. 

Post a Comment

Powered by Blogger.