Vawmbuk, February 18, 2022 : Lai Students' Association, General Headquarters, Lawngtlai hruaitute chuan HSLC exam hmachhawn tur, Vawmbuka pawl zawm zirlai, tuna Covid-19 hrikai mekte an tlawh a, tanpuina hlanin, an thlamuan.
Kan hma lawka HSLC exam hmachhawn tur, Vawmbuka pawl sawm zirlai zawng zawng mi 25 te chu tunah hian Covid-19 hri an kai mek a, hrikai enkawlna tura khawtlangin an siam 4C ah dah mek an ni. HLSC exam hi February 28, 2022 ah tan a ni ang. LSA chuan zirlaite dinhmun hriaiin zirlaite tanpuina tur Pu V. Zirsanga, CEM, LADC hnenah an dil sak a, Pu V. Zirsanga, CEM, LADC chuan zirlaite harsatna hrethiam takin tanpuina hi a lo pe a, heng tanpuinate hi nimin khan LSA hruaitute hian Vawmbuka pawl sawm zirlaite hnenah an hlan a ni.
LSA hruaitute chuan nimin khan CEM, LADC hnen atanga tanpuina an dawn hi 4C ah zirlaite an hlan a. Pu F. Vanlalruatpuia, President, Lai Students' Association, General Headquarters, Lawngtlai chuan zirlaite chu Covid-19 natna inhneh tir lo turin a fuih a, theihtawpa lehkha zir turin leh distinction-a langpha ngei turin a chah a, zirlaite zingah distinction-a pass an awm chuan LSA in parthi nen an lo hmuah tur thu a awi bawk.
Vawmbuk-I hi tunah hian hrikai an tam avangin Red Zone-ah puan mek a ni.
Post a Comment