KHAWZAWLAH IRON ROD A NIH DAN TUR ANG PHA LOVA ZUARTUTE PAWISA CHAWITIR AN NI

Rauthla 18.Feb,2022 : Nimin khan Deputy Commissioner's Office, Superintend of Police's Office leh Mizoram Consumers Association, Khawzawlte chuan Champhai Legal Metrology Office nena tangkawpin Khawzawl khawpui chhunga Iron rod zawrhna dawrte an endik a, dawr 5 endik zingah a nihna tur anga zuar an awm loh avangin an chungah dan anga hremna lekkawh a ni a, Rs. 5,000/- theuh chawitir an ni.

Nimina Iron rod zawrh endikte hi a sei zawngah tling mah se a len zawng leh rih zawngahte danin a phut ang a ni pha lo hlawm a. A zuartute chu pawisa chawitir an nih bakah, a lehpek zelah chuan a nih dan tur ang thlapa  chahchhuaka zuar tawh turin hriattir nghal an ni.