Lawngtlai, February 18, 2022 : PMGSY hmanga siam Chawngte 'P' atanga Diltlang kawng chu fur ruahtui tlak hma hauh pawh a lirthei kal a harsat tan tawh avangin YLA Sub-Hqrs. Chawngte hruaitute chuan Executive Engineer, PWD Lawngtlai Division, Er. Lalhmingmawia hnenah an harsatna ziaka thlenin, fur ruahtui tlak hma ngeia a siamthat hna thawk turin an ngen.
YLA Sub-Hqrs. Chawngte hruaitute chuan Chawngte leh a chheh vel mipuite tan harsatna nasa tak thleng thei a ni tih hria a, a rang theih ang ber a hnathawh theih hun lai a nih angin hma laksak turin Executive Engineer, PWD Lawngtlai Division chu an ngen a. An ngenna anga he kawngah hian hmalakna a awm lo a nih chuan a tul dan a zirin YLA ten hnatlang koha thawh mai an duh thu, YLA Sub-Hqrs. Chawngte President, Pu A. Lalzarliana chuan a sawi.
He an ngenna hi Lawngtlai Bawrhsap, Dr. Andrew H. Vanlaldika, Bialtu MLA Pu C. Ngulianchunga, leh LADC Executive Member Pu Andrew Laltlanzara te pawh copy a pein, an harsatna hi an sawipui nghal bawk.
Post a Comment