Lawngtlai, February 18, 2022 : District Hospital Lawngtlai (DHL) tana Rogi Kalyan Samiti (RKS) Governing Body chu vawiin khan an Chairman, Lawngtlai Bawrhsap Dr Andrew H. Vanlaldika hovin a office chamber-ah an thu khawm.



Member Secretary Dr Zothanpari Chhakchhuak, District Medical Superintendent DHL chuan RKS hnuaia DHL-a hma lakna hrang hrang report a pe a. DHL inenkawl nana kum 2021 - 2022 chhunga sum hmuh leh hmanna te thlir ho niin, thut khawm hmasaka thu relte bawhzui a nih dan thlir ho a ni a. Kum 2021 - 2022 chhunga hma thar lak tur chhawp chhuah 27 zinga 13 chu tihhlawhtlin a nih tawh thu leh, a bak 14 pawh tihlawhtling thei turin ruahmanna kalpui leh ngaihchan mek a nih thu tar lan a ni.

He hunah hian Hospital inrelbawlna leh hmasawnna atana thil pawimawh hrang hrang te sawi ho a ni a. Damlote inentirna leh endikna chi hrang hrang tih man (user charge) hman mekte ennawn niin, a tul anga siam that a ni. 

Post a Comment

Powered by Blogger.