Lawngtlai, January 19, 2022 : Vawiin khan LADC CEM'S Conference Hall-ah Pu V. Zirsanga, President Bharat Scout & Guides, Lawngtlai District chuan Pu Andrew Laltlanzara, Executive Member, LADC i/c Middle School leh Pu L. Daniala, Executive Member, LADC i/c Primary School te chu Vice President, Bharat Scouts & Guides, Lawngtlai District atan a la lut.
Lakluhna inkhawm hi Pu V. Biakkunga,Vice President, Bharat Scouts & Guides, Lawngtlai District chuan kaiihruaiin, Scout & Guides chanchin tlangpui leh Lawngtlai District-a an function dante a sawi. Pu V. Biakkunga chuan Lawngtlai District atang pawh in medal dawng hi an awm nual tawh thu a sawi bawk.
Pu V.Zirsanga, CEM leh President, Bharat Scout & Guides ni bawk chuan, Vice President atana lak luh tharte chu Thutiam tirna (The Scout Promise) neiin, scarf a awrhtir a, Vice President atan a lalut a ni.
President chuan nihna leh dinhmun in a ken tel mawhphurhnate chu hlenchhuak turin fuihna thu a sawi nghal bawk. Vice President nihna hian world membership a keng tel a ni.
Post a Comment