Lunglei, January 19, 2022 : Mizoram Baptist Kohhran Assembly hnuaia Rorelna sang ber, BCM Assembly Executive Committee Meeting nikhatna chu vawiin, January 19, 2022 (Nilaini) khan BCM Biak In, Venglai, Lunglei-ah neih a ni a. Meeting hi BCM President, Rev. Dr. V. Laldingliana’n a kaihruai a, General Secretary Rev. F. Ramdinmawia’n Department hrang hrang report a pe.
He Meeting-ah hian kum 2022-2025 atana Mizoram Baptist Kohhran hruaitu tur General Secretary, Associate General Secretary pahnih leh Executive Secretary Aizawl Area leh Lawngtlai Area te thlan a ni a. Department hrang hrang leh Committee lian – Nomination, Central, Service leh Mission Department atanga thu lut te, ABC leh Bial atanga thu lut te ngaihtuah a ni bawk.
Vawiin-a an thu rel kan hriat theih chin-ah kum 2022-2025 atana BCM hruaitu tur thlanna neih a ni a, General Secretary atan Rev. R. Lalbiakliana chu thlan a ni a, Associate General Secretary (Mission) atan Rev. Dr. R. Lalthanmawia chu thlangin Associate General Secretary (Service) atan Rev. R. Lalnunzira thlan a ni.
Heng bakah hian Executive Secretary – Aizawl Area atan Rev. R. Lalrintluanga leh Executive Secretary, Lawngtlai Area atan Rev. Dr. H. Lalthlamuana te thlan an ni bawk.
Tin, Assembly 2021 chhunga Thawktu ropuina rama chawl ta mi 7 an awm thu te, hnathawktu an hna Voluntary-a an hna chawlh san mi 5 leh kum 2022 – March 30, 2023-a Pensiona-a chhuak tur mi 9 an awm thu report a ni a, heng thawktu boralte leh chawltate bakah Confirm tura chhawpchhuahte nen Assembly 2022-ah report ni se tih a ni.
Assembly Executive Committee Meeting hi naktuk, January 20, 2022-ah chhunzawm leh a ni ang a, Hetah hian Kum 2022 – 2025 atana Department Heads leh Institution Heads tur te Nomination Committee-in a lo ruahman te thlirin an pawm ang a, Kum 2022-2023 atana BCM Plan leh Budget te, Assembly Target te an thlir bawk ang. Heng bakah hian Department thu te leh Bial leh ABC thu te ngaihtuah chhunzawm a ni bawk dawn a ni.
Post a Comment