Lawngtlai, January 19, 2022 : Vawiin khan Pu V. Zirsanga, Chief Executive Member, LADC chuan Lawngtlai khawchhunga Hospital pathumte hnenah Oxygen Cylinder (Jumbo) a pe.



Oxygen Cylinderte hi bur lian chi (Jumbo) 46.7 Litres dawng thei a ni a. District Hospital, Lawngtlaiah bur (cylinder) 6 (Paruk), LCMC&H ah bur 5 (panga) leh Christian Hospital, Lawngtlaiah bur 3 (pathum) pek an ni.



January 13,2022 khan Bualpui ‘NG’ PHC leh Lungpher ‘S’ PHC ah cylinder pakhat leh Flow meter pakhat ve ve hlan a lo ni tawh a; Sangau PHC ah hemi ni vek hian Cylinder 2 (pahnih), flow meter 1 (pakhat) leh Oxygen Concentrator hlan a lo ni tawh bawk. Tin, Bungtlang ‘S’ PHC ah cylinder 2 (pahnih ) leh flow meter pe leh tura ruahman mek a ni bawk.



Heng oxygen cylinder-te leh Concentrator-te hi International Buddhist Confederation (IBF) leh LADC ten Covid-19 dona kawnga thawhduna leh hmalakna atanga hmuh a ni.

Post a Comment

Powered by Blogger.